TUGUEGARAO CITY-Ari ngana nga ni-renew na PHILHEALTH y accreditation na Poyaoan General Hospital ta ili na Camalaniugan,Cagayan.
Base kanni Regional Vice President Oscar Abaddu na PHILHEALTH Region 2,na-deny y philhealth accrediation nna ospital megafu ta breach of performance of contract.
Kinagi paga ni Abaddu nga y liwa na ospital ay megafu ta pag-admit da ta pasyente nga maski ari nakwan mawak nga ma-confine ay iconfine da tapenu makakalak da ta PHILHEALTH benefits.
Namwan gapa na Philhealth nga nappapaga y ospital ta mas nangina nga rate anne ta Philhealth.
Nasita y nakagi nga liwa na ospital ta tadday nga complainant nga taga ta Camalaniugan.
Base kanni Abaddu,Awuya na nga metoli yari accreditation na ospital depende ta merito na motion for reconsideration nga neune da ta accreditation committee.
Megafu taw ay kinadijanan ni Abaddu y igga taki na ira nga umay da ta tanakwan laman ngana nga ospital nga accredited na PHILHEALTH.
Yaw ngana y mekaduwa nga ospital nga na-deny y accreditation renewal nu anni y napolu ay y Peoples General Hospital sa Tuguegarao City megafu ta nadiskubre da y PHILHEALTH ghost claimants.
