TUGUEGARAO CITY- Neddadasal ni Governor Jocel Baac na Kalinga nga ari mangikasa ta tribal war y parehu nga familya ira na natay nga pulis anna ta high profile wanted nga si Willy Sagasag.
Kinagi ni Baac nga manguruk iyya nga ari payagan na elders ira nga masakup na“Bodong” o peace pact y nakagi nga insidente.
Nenawak ni Baac nga ta Bodong system na Kalinga nga inalawa na elders anna miyembro ira na konseho ay ari kavulu y lehitimo nga operasyon otoridad ira kontra kriminal.
Amung paga ni Baac nga iyadde na ta konseho na Probinsya nga mangiddan ira ta pondo para uffun da ta appa nga natay nga pulis kunne gapa ta nabigaran ira ta kabalin nga makillaban ira si Sagasag turi iservi da y warrant of arrest na.
Fera taw ay kinagi na gobernador nga yaw ngana y mekallu nga arestowan da si Sagasag megafu ta karu na kaso na gitta na murder anna frustrated murder.
Kinagi na paga nga ta nala na nga impormasyon ta PNP,nakaprepara si Sagasag ta pagaresto niyya.
Maddaddam laman yaw megafu ta napatay y appa nga pulis megafu ta pagaresto da ta akusado.
