TUGUEGARAO CITY-Narekober na ang bangkay ng isang lalaki na nalunod nitong araw ng sabado sa bayan ng Tuao,Cagayan.
Ayon kay Arnulfo Carangyan ng Task Force Lingkod Bayan-Tuao ,nakita ang bangkay ni Nestor Rosete, 47-anyos ng Brgy Mungo sa ilog na sakop ng Brgy Maguilling, Piat.
Una rito, nagtungo umano si Rosete kasama ang kanyang pamilya sa ilog na sakop ng Brgy Mungo,Tuao para magpicnic nang sumulong ito sa ilog na nasa impluwensiya ng nakalalasing na inumin.
Dahil sa lakas ng agos ng tubig ay hindi nakayanan ni Rosete hanggang sa ito’y maanod.
Kaugnay nito, muling nagbigay ng paalala si Carangayn sa publiko na huwag maligo sa ilog na nasa impluwensiya ng nakalalasing na inumin.
-- ADVERTISEMENT --
