TUGUEGARAO CITY- Iniimbestigahan na ng PNP kung sino ang kasama ng isang lalaki na napatay matapos na manlaban sa nagpanggap na buyer ng illegal drugs sa Lallo, Cagayan kagabi.
Sinabi ni PMAJ Reymund Asistores, hepe ng PNP Lallo, nakatakas ang hindi pa nakikilalang kasama ng napatay na si Richard Aguirre, 40, ng Lannig, Solana, Cagayan.
Ayon kay Asistores, bago ang insidente, nang magkita ang posuer buyer at si Aguirre ay nakahalata ang suspek at binaril ang nagpanggap na buyer subalit hindi siya tinamaan.
Gumanti ang posuer buyer at tinamaan ng dalawang beses sa katawan ang biktima.
Sinabi pa ni Asistores na nakuha kay Aguirre ang limang sachet ng umano’y shabu bukod pa sa tatlong sachet na nakuha sa kanyang bulsa.
Narecover din ang baril ng suspek.
Samantala, huli din si Christopher Sagun, beautician sa Brgy. Bagumbayan.
Nakuha sa kanya ang isang sachet ng umano’y shabu at mahigit sa P76,000.
