TUGUEGARAO CITY-Nepolu na mismu nga France ambassador to the Philippines Thierry Mathou y excavation team nga mangngokkok ta tadday nga nadiskubre nga archeological site ta ili na Rizal,Kalinga.
Kavulu ta nakokkok gapa si National Museum Director anna science attache na France nga si Jeremy Barns.
Kinagi ni Myla Depalog,tourism officer na Rizal ikaya na excavation team nga makokkok y tulang ira na napolu nga tolay turi 1000 years y nabalin.
Y excavation site ay aranni laman ta lugar nu sitaw nga nakokkok na eksperto y tulang na daraddakal nga rhinoceros turi 2014.
Ekspektan ni Depalog nga mappopositibo y nakagi nga excavation.
Kinagi na nga nu mabalin yaw ay siguradu nga maru y turista nga umay ta lugar nemanno ngana ta excavation site.
Amung na yaw siniguru ni Depalog y seguridad na excavation team megafu ta igga mabbantay nga pulis anna suddalu ira.
