TUGUEGAGARO CITY-Nakumfiska na otoridad y naduma duma nga kemikal nga pangurugan nga sangkap ta pagangwa ta illegal nga droga anna pampasabog ta bodega na tadday nga minahan ta ili na Aparri, Cagayan.
Y makakwa ta warehouse nay ira da Michael Tan, Lito Lim anna duwa paga nga ari kilala nga lallaki nga parehu nga residente na brgy Tallungan ta nakagi nga ili.
Y antallung da ta nakagi nga bodega iningwa na navvurulu nga PNP-Aparri, Philippine Drug Enforcement Agency (PDEA), Bureau of costums (BOC)-Aparri, Cagayan Provincial Police Office (Cppo), Provincial Intelligence branch, Regional Public Safety Battalion (rpsb )02, anna 17th Infantry Battalion base gapa na nelawan nga search warrant ni Judge Oscar Zaldivar na RTC branch 7.
Y nakagi ira nga kemikals ay iyangay da ta regional crime laboratory para ta chemical examination.
Sangaw ay iprepara ngana na otoridad kaso na suspek ira.
