TUGUEGARAO CITY- Nakka minor injury laman ta karalong na y lima vulan nga baby nga tadday nga nakatakay ta Leomarick bus nga natannak ta Nueva Ecija turi Martes.
Base ta nangasikasu nga duktor ta abbing,ni-rescue ni Ian Boy Fernandez nga nappattu liye na matannak y bus,habang tafulan na y mag-ina na nga kavulu na nga nattakay ta bus eh nasita na nga y baby.
Insigida nga ina ni Fernandez y baby anna neddan na ta ninay nga rescuers.
Namwan nga natay y yena na abbing habang igga ta ospital y yema na.
Fera taw ay makiergo ngana y makakwa ta bus ta ospital ira nu sitaw da nga neangay y nabigaran ira.
28 y neconfine ta Veterans Regional Hospital ta Bayombong habang 11 ta Nueva Vizcaya Provincial hospital ta Bambang.
Nelabbe gapa ngana ta gibbalayan da y 34 nga natay ta nakagi nga trahedya.
