TUGUEGARAO CITY-Ekspektan nga madduruma y attuki ta kuryente na Cagayan Electric Cooperative o CAGELCO 1.
Namwan nga matannang anna maggukak y power rate na cagelco 1 ta pamegafu na summer season.
Turi vulan na Pebrero, P10.13 kada kilowatts y power rate na kooperatiba ngamme natannang yaw ta P10.97 turi Marso ngamme naggukak yaw ta .12 centavos o P10.85 sangaw nga abril.
Nenawak ni Eng. Tito Lingan, general manager ng cagelco 1, ekspektan da y nadduruma nga konsumo ta koryente sangaw nga napatu y tiyempo.
Kinagi na nga mattullu gare y mawak nga kuryente na member consumer yatun ta mafektan y operasyon na planta na koryente nga mangusa ta nangina nga gasolina.
Fera taw ay igga paga maintenance y power plant tapenu masuplayan y demand ta kuryente na totolay ira sangaw nga napapatu.
Amung na yaw ay sinisigurado na Cagelco 1 nga satto y supply ng koryente.
Kinagi paga ni lingan nga nakasta y operasyon na planta nga pangapan da ta koryente.
