TUGUEGARAO CITY-Kinagi na militar nga dakal nga uffun ta imammo ta Probinsya na Cagayan anna Isabela ta nagafu nga top leader na New People’s Army (NPA) nga magoperasyon ta rehiyon dos.
Base ta Philippine Army nga y paggafu kanni David Soriano alyas Jerome Antonio ay dakal nga kawan na ta NPA ta rehiyon anna mala gapa ngana y imammo ta Cagayan.
Amung na yaw ay miniting ni Police Chief Supt. Eliseo Rasco, regional director na Philippine National Police y lider na pulisya anna y unit na ta interu nga rehiyon dos tapenu mapagimmang y posible nga pagatake na rebelde nga grupo manin.
Olu taw ay tinallung na NPA y PNP Sub-station ta Amulung kasabay na paggafu ta lider na NPA nga numero uno gapa ta watchlist na PNP anna militar.
Ginafu da si Soriano ta checkpoint na PNP anna 17th Infantry Battalion, Philippine Army ta Brgy. Camasi, Penablanca ta bisa na warrant of arrest ta 20 kaso nga pappatay, carnapping anna akkoko.
Nagafu kannira y palattuk,kuwartu nga mabbalor ta P300,000 kavulu ngana taw y maturu nga 1,000 US dollars.
Matageno nga piga ngana nga aryada nga nagatake y grupo na NPA nu anni ay tinuggi da heavy equipment na construction company ta rehiyonkavulu ngana y panallung da ta stasyon na pulisya ta probinsya na Quirino.
