TUGUEGARAO CITY- Magangwa ta case conference y National Union of People’s Lawyers para ta legal remedies ta maturu nga 20 kaso ni David Soriano, y naresto nga lider kanu na New People’s Army ta Region 2.
Kinagi ni Atty. Catherine Salucon, tadday ta manammi ta kaso ni Soriano nga aru paga abogado ta Cagayan anna ta tanakwan nga lugar y kavulu da nga abogado nga manammi ta kaso na akusado.
Amung ta dati nga kaso ni Soriano ta naduma duma nga korte ay 20 murder,robbery anna carnapping anna rebellion.
Nakasowan gapa iyya ta kaso nga illegal posession of firermas and explosives ta kabalin nga maresto iyya ganuri.
Amung na yaw ay kinagi ni Salucon na inaksepta na y panammi na ta kaso ni Soriano megafu ta pakimemallo na human rights group anna ta kagitta na nga abogado tapenu igga sangaw y epektibo ngs legal representation na.
Kinagi ni Salucon,nga kagabi na laman nga nakilala anna nakergo si Soriano.
