TUGUEGARAO CITY- Nasesenu nga nagguyu y trapiko ta national highway ta Capintalan,Caranglan, Nueva Ecija ta kabalin nga nagimmang y addalan na takay ira tari megafu ta nabbalittak nga trailer truck.
Kinagi ni Wilson Valdez na Department of Public Works and Highways Region 2 nga nakwa y insidente turi 3:00 am anna passable laman ngana y kalsada turi 6:00 am.
Base paga kanni Valdez,nabbayak y addalan na takay ira megafu ta ari nga nakontrol na tauhan na DPWH y takay ira nga nag-counterflow habang laffutan da y natomba nga trailer truck.
Insigida nga nagguyu y DPWH Region 2 ta kabalin nga aru y akkul nga nalawa da nga maggafu ta commuters megafu ta nakagi nga problema ngamme y nakagi nga kalsada ay sakup ngana na Region 3.
Kinagi paga ni Valdez nga posible nga natumba y trailer truck nga igga kargana nga ammay ta kabalin nga ari makontrol na driver y manebela ta pakurbada nga partes na kalsada.
Neamung paga ni Valdez, awan gapa kanu ta nabigaran ta nakagi nga insidente.
